എം.എ. മള്‍ട്ടിമീഡിയയില്‍ ഒന്നാം റാങ്ക് കന്യാസ്ത്രീക്ക് ; അപൂര്‍വ നേട്ടം സ്വന്തമാക്കി സി.ഡെല്‍ഫി.....
ടി.ടി.സി പൂര്‍ത്തിയാക്കി അഞ്ച് വര്‍ഷം വയനാട്ടില്‍ എല്‍.പി. സ്‌കൂളില്‍ അധ്യാപികയായിരുന്നു സിസ്റ്റർ ഡെല്‍ഫി മരിയ സി.എം.സി. അതിനുശേഷം ഡിഗ്രിയെടുക്കുന്നതിനായി കണ്ണൂരുള്ള കോളേജിലേക്ക്. മൂന്നുവര്‍ഷത്തെ ഡിഗ്രി കോഴ്‌സില്‍ ജേണലിസം ഉപവിഷയമായിരുന്നു. അതിന്റെ ഭാഗമായി ടെലിവിഷന്‍ വാർത്ത കണ്ടെത്തി ഷൂട്ട് ചെയ്ത്, വാര്‍ത്ത തയ്യാറാക്കേണ്ടതുണ്ടായിരുന്നു. ഇതിനിടെയാണ് സി. ഡെല്‍ഫി മരിയ എഡിറ്റിങ് എന്താണെന്ന് അറിയുന്നത്. അന്ന് തോന്നിയ കമ്പം സിസ്റ്റര്‍ ഗൗരവത്തോടെയെടുത്തു. ബിരുദാനന്തരബിരുദത്തിന് തിരഞ്ഞെടുത്തത് എം.എ. മള്‍ട്ടി മീഡിയ കോഴ്‌സ്. സാധാരണ കന്യാസ്ത്രീമാരൊക്കെ മാനവിക വിഷയങ്ങളും നഴ്സിങ്ങ് പോലുള്ള മേഖലകളും തിരഞ്ഞെടുക്കുമ്പോളാണ് സി. ഡെല്‍ഫി വേറിട്ട തീരുമാനം കൈക്കൊണ്ടത്. പി.ജി. പൂര്‍ത്തിയാക്കി അവസാന റിസള്‍ട്ട് വന്നപ്പോള്‍ അതൊരു അവിസ്മരണീയ നേട്ടമായി മാറി. എം.ജി. സര്‍വകലാശാലയില്‍ നിന്ന് ഒന്നാം റാങ്ക്. മള്‍ട്ടിമീഡിയ പോലൊരു കോഴ്‌സ് പഠിച്ച് ഒരു കന്യാസ്ത്രീ ഒന്നാം റാങ്ക് കരസ്ഥമാക്കുന്നത് വളരെ അപൂര്‍വമായ കാര്യമാണ്.
Read More At
nasraayan.com - https://nasraayan.com/first-rank-mg-university-catholic-nuns/
mathrubhumi.com - https://www.mathrubhumi.com/lifestyle/features/sr-delphy-maria-got-first-rank-in-ma-multimedia-mg-university-post-graduation-1.7289632